60220300 – Tarix bakalavriat yo‘nalishi malaka talabi asosida, mazkur ta’lim yo‘nalishi tarix fanining nazariy va amaliy asoslarini chuqur egallagan, tarixiy jarayonlarni ilmiy tahlil qila oladigan, milliy va jahon tarixini tizimli ravishda o‘rgangan, zamonaviy pedagogik va axborot texnologiyalaridan foydalangan holda ta’lim berish hamda ilmiy-tadqiqot faoliyatini olib borishga qodir bakalavr kadrlarni tayyorlashga qaratilgan. Bitiruvchilar umumiy o‘rta, o‘rta maxsus va professional ta’lim muassasalarida tarix fanidan dars berish, ilmiy-tadqiqot institutlari, arxivlar, muzeylar, madaniy meros muassasalari, davlat va nodavlat tashkilotlarida tarixchi-mutaxassis sifatida faoliyat yuritishlari mumkin. Ular tarixiy manbalarni tahlil qilish, ilmiy xulosa chiqarish, tarbiyaviy-ma’rifiy ishlarni tashkil etish hamda milliy istiqlol g‘oyasi va umuminsoniy qadriyatlar asosida yoshlarni tarbiyalash kompetensiyalariga ega bo‘lishi ko‘zda tutilgan.