Registrator ofisi

Registrator ofisi” Oliy taʼlim tashkilotlarining   talabani tizimda shakllantirish, oʻquv jarayoni va talabalarga xizmat koʻrsatish, akademik faoliyatni tashkil etish hamda taʼlim jarayonining ochiqligi va shaffofligini taʼminlash, tizimda byurokratik toʻsiqlar yuzaga kelishini oldini olish va tahliliy maʼlumotlarni shakllantirish, shuningdek, qaror qabul qilish jarayonini optimallashtirish kabi vazifalarni amalga oshiruvchi OTTning tarkibiy tuzilmasi hisoblanadi.. Registrator ofisi talabalarning o‘qishga qabul qilinishidan boshlab, ta’lim jarayonidagi barcha bosqichlar — fanlarni tanlash, baholash, akademik harakat, hujjatlashtirish va bitiruvgacha bo‘lgan jarayonlarni raqamlashtirilgan va tizimli tarzda yuritadi.

Registrator ofisi o‘z faoliyati davomida 60 ta asosiy funksiyani amalga oshiradi. Ushbu funksiyalar quyidagi yo‘nalishlarni qamrab oladi:

• talabalarni o‘qishga qabul qilish va ro‘yxatdan o‘tkazish;
• akademik ma’lumotlar bazasini shakllantirish va yuritish;
• fanlarga yozilish (course registration) jarayonini tashkil etish;
• o‘quv rejalari va fan kataloglari bilan ishlash;
• baholash natijalarini qayd etish va monitoring qilish;
• akademik qarzdorlik va qayta topshirish jarayonlarini boshqarish;
• talabalar harakati (ko‘chirish, tiklash, akademik ta’til)ni rasmiylashtirish;
• reyting, GPA va transkriptlarni shakllantirish;
• stipendiya va kontrakt ma’lumotlarini yuritish;
• bitiruvchilar bo‘yicha hujjatlarni tayyorlash;
• diplom va ilovalarni rasmiylashtirish;
• ta’lim jarayoniga oid ma’lumotlarni tahlil qilish va hisobotlar tayyorlash;
• elektron axborot tizimlari bilan ishlash;
• talabalar va o‘qituvchilarga maslahat va axborot xizmati ko‘rsatish.
• Mazkur yo‘nalishlar doirasida Registrator ofisi tomonidan 60 ta aniq va tartibga solingan funksiya bajarilib, ular institutda ta’lim sifatini oshirish, ortiqcha byurokratik jarayonlarni kamaytirish hamda talabalar uchun qulay akademik muhit yaratishga xizmat qiladi.

 “Registrator ofisi”ning asosiy tarkibiy tuzilmasi quyidagilar hisoblanadi:

    Xizmat koʻrsatish (front office) boʻlimi;

    Maʼlumotlar bazasi (back office) boʻlimi.