Respublika va xalqaro jurnallar hamda konferensiyalarda 60 dan ortiq maqola va tezislarni e’lon qilgan. “Psixologiya nazariyasi va tarixi” (2020) hammualliflikda darslik, “Семейная психология” (2022), “Семейная психология и психотерапия” (2023), “Психология личности и коучинг” (2024), “Psixologik maslahat va kouching” (2024), “Yuridik psixologiya” nomli o`quv qo`llanma (2025), “Организация самостоятельной работы студентов по психологическим дисциплинам” nomli uslubiy qo‘llanma (2023), “Globallashuv jarayonida milliy bag`rikenglikni shakllantirishning ijtimoiy-psixologik determinantlari” (2022), “Talabalarda tolerantlikni shakllantirishning ijtimoiy-psixologik asoslari” nomli monografiyalar (2025) muallifi.
Xalqaro Psixologiya fanlari akademiyasining Faxriy a’zosi (2013), Oliy ta’lim a’lochisi (2023).
M.M. Bafayev 2021-yilda “Globallashuv jarayonida milliy bag‘rikenglikni shakllantirishning ijtimoiy-psixologik determinantlari” mavzusida PhD dissertatsiyasini, 2025-yilda “Talabalarda tolerantlikni shakllantirishning ijtimoiy-psixologik texnologiyalarini takomillashtirish” mavzusida DSc dissertatsiyasini muvaffaqiyatli himoya qilgan.
Qator ilmiy jurnallarda faoliyat olib borgan. “Psixologiya” ilmiy jurnali (2011-2015), “Pedagogik mahorat” ilmiy-nazariy va metodik jurnal (2012-2022), Hozirda “Ta’lim va innovatsion tadqiqotlar” hamda “Pedagogik akmeologiya” xalqaro ilmiy-nazariy va metodik jurnallar tahririyat a’zosi va mas’ul kotibi.
Kafedra huzurida tashkil etilgan “Psixologik markaz” eksperti. Qator sud-psixologik ekspertizalarda ishtirok etgan.
M.M. Bafayev AQSHning Florida universiteti, Turkiyaning Aydin universiteti, Rossiya (Ural Federal universiteti, Qozon davlat universiteti, Nijniy Novgorod davlat universiteti, Vladimir davlat universiteti), Bolgariya, Qozog‘iston, Belarus Respublikasi (M.Tank nomidagi Belarus davlat pedagogika universiteti), Ukraina milliy pedagogika fanlari ilmiy-tadqiqot instituti Kostyuk nomidagi psixologiya instituti hamda respublikadagi ko’pgina oliy ta’lim muassasalari bilan yaqindan hamkorlik qilib keladi.
