FAYZIYEVA DILDORA HAYOTOVNA

Ma’lumoti: oliy, 2010-yilda Buxoro davlat universitetining Amaliy matematika va informatika yo‘nalishini, 2014-yilda ushbu oliygohning Amaliy matematika va axborot texnologiyalari mutaxassisligini tugatgan. Ilmiy faoliyat: Ta’lim va tarbiya nazariyasi va metodikasi (informatika) 2014-2022-yillarda Buxoro davlat universitetining Axborot texnologiyalari kafedrasi o‘qituvchisi, 2022-2023-yillarda Buxoro davlat pedagogika instituti Aniq fanlar kafedrasi o‘qituvchisi sifatida faoliyat olib borgan. 2024-yildan Buxoro davlat universiteti doktoranti (PhD) sifatida o‘qishga qabul qilingan. Fayziyeva Dildora Hayotovna O‘zbekiston Respublikasi Oliy va o‘rta maxsus ta’lim vazirligining Toshkent axborot texnologiyalari universiteti huzuridagi mintaqaviy markazda 2020-yil 2-sentabrdan 28-oktabrgacha malaka oshirgan. Fayziyeva Dildora Hayotovna 2020-yilda “O‘zbekiston ayollarining 100 ta eng yaxshi innovatsion loyihasi” III Respublika tanlovining yakuniy bosqichida faol ishtiroki uchun sertifikat bilan taqdirlangan. Fayziyeva Dildora Hayotovna 2021-yil “Yilning eng yaxshi pedagogi” tanlovining Buxoro davlat universiteti miqyosida g‘olibi bo‘lib, respublika bosqichida ham faol ishtirok etgan. Oʻzbekiston Respublikasi Oliy ta’lim, fan va innovatsiyalar vazirligi huzuridagi bilim va malakalarni baholash agentligi tomonidan tashkil etilgan chet tilini bilish darajasi imtihonida 2023-yil 27-martda B2 (Ingliz tili) darajadagi sertifikatni qo‘lga kiritgan. Fayziyeva Dildora Hayotovna pedagogik faoliyati davomida 50 dan ortiq ilmiy maqola va tezislari bilan Respublika va xorij ilmiy jurnallari hamda ilmiy-amaliy konferensiyalarda ishtirok etgan. Jumladan, 1 ta darslik, 1 ta o‘quv qo‘llanma, 2 ta monografiya va 4 ta mualliflik guvohnomalarining muallifidir.