SHARIPOVA MAXBUBA BAXSHILLOYEVNA

Ish faoliyati: 19 yil Pedagogik faoliyati: 19 yil Sharipova Maxbuba Baxshilloevna 1984-yilning 4-oktyabrida Buxoro shahrida tugʼilgan. 1990-1999 yillar Buxoro tumani Аbdulla Qodiriy nomidagi 36-umumtaʼlim maktabida, 1999-2001 yillarda Buxoro shahridagi 35-umumtaʼlim maktabida tahsil oldi. 2001-2002 yillarda Buxoro davlat universiteti huzuridagi Mintaqa tillarni oʼrgatish boʼlimida Ingliz tili kursida ingliz tilini puxta oʼrgandi. 2002-2006 yillarda Nizomiy nomidagi Toshkent davlat pedagogika universiteti Filologiya fakulteti Oʼzbek tili va adabiyoti yoʼnalishida tahsil olgan. U 2006-2015 yillarda Buxoro olimpiya zaxiralari kollejida ona tili va adabiyot fani oʼqituvchisi lavozimida ishlagan. Shu yillar oraligʼida yaʼni, 2011-2013 yillarda Buxoro davlat universiteti Filologiya fakulteti, Аdabiyotshunoslik(oʼzbek) mutaxassisligi boʼyicha magistraturani tamomladi. 2015 – 2017yillarda Buxoro davlat universiteti boshlangʼich va maktabgacha taʼlim uslubiyoti kafedrasi oʼqituvchisi lavozimida faoliyat koʼrsatgan. 2017-2024 yillarda Buxoro davlat universiteti maktabgacha taʼlim kafedrasi oʼqituvchisi 2024-yil va hozirda Buxoro davlat pedagogika instituti, O'zbek tili va adabiyoti kafedrasi dotsenti, filologiya fanlari bo'yicha falsafa doktori, PhD Sharipova Maxbuba Baxshilloevna maʼnaviy-maʼrifiy tadbir va koʼrik tanlovlar, jamoat topshiriqlarini astoyidil bajara olgani uchun u 50 dan ortiq tashakkurnoma va diplom, 30 dan ortiq faxriy yorliqlar sohibasi hamdir. U ayni paytda 1ta darslik, 1ta o'quv qo'llanma, 3 ta oʼquv-metodik qoʼllanma, 3 ta monografiya, 30 dan ortiq ilmiy maqola, 50 dan ortiq tezislarini chop ettirgan. Uning ilmiy maqola va tezislari xorij va Respublikaning qator ilmiy-amaliy anjuman toʼplamlarida chop etilmoqda.