ERGASHOV MANSUR YARASHOVICH

Umumiy ish staji: 45 yil Pedagogik staji: 45 yil Ergashov Mansur Yarashovich - Kimyo kafedrasi mudiri, kimyo fanlari nomzodi, professor. 1982-yil Buxoro davlat pedagogika instituti tabiatshunoslik fakultetining kimyo-biologiya bo‘limini bilan tugatgan. Shu yildan boshlab mazkur institutning Kimyo kaferdasida avval katta laborant, so‘ngra o‘qituvchi bo‘lib ishlagan. 1988-1990-yillar Moskva pedagogika davlat universiteti “Organik kimyo” kafedrasida izlanuvchi-tadqiqotchi, 1990-1993-yillarda mazkur oliygohda maqsadli aspiranturada tahsil olgan. 1993-yilda Moskva pedagogika davlat universiteti huzuridagi K.053.01.15 ixtisoslashgan kengashda “Oligoarilenfosfonitlar va ular metallokomplekslarining sintezi hamda xossalari” mavzusida 02.00.03-Organik kimyo ixtisosligi bo‘yicha nomzodlik dissertatsiyasini himoya qilgan. Himoyadan so‘ng Buxoro davlat universiteti organik va fizkolloid kimyo kafedrasida o‘qituvchi, katta o‘qituvchi, dotsent, kafedra mudiri, fakultet dekani, Ichki nazorat va monitoring bo’limi boshlig’i, o‘quv-uslubiy boshqarma boshlig‘i, ta’lim sifatini nazorat qilish bo’limi boshlig’i kabi lavozimlarida faoliyat olib borgan va kafedrada ilmiy tadqiqot ishlari bilan shug‘ullangan. Tadqiqot ishlarining natijalari bo‘yicha 150 dan ortiq ilmiy maqola va tezislar chet el va OAK ro‘yxatidagi respublika jurnallarida, xalqaro ilmiy anjuman materiallarida chop etgan. U faoliyati davomida Oliy va o‘rta maxsus ta’lim vazirligining grifi asosida 5 ta darslik, 4 ta elektron darslik, 9 ta o’quv qo’llanma va 20 dan ortiq o‘quv metodik qo‘llanmalarni nashr ettirgan. BuxDU huzuridagi ilmiy daraja beruvchi PhD.03/30.12.2019.К.72.01 raqamli Ilmiy kengash seminarining ilmiy kotibi.