BuxDPIda talaba qizlar uchun “Qizlarni oilaga tayyorlash” loyihasi

    Buxoro davlat pedagogika instituti Yoshlar masalalari va ma’naviy-ma’rifiy ishlar bo‘yicha birinchi prorektori Malika Umedjanova, Maktabgacha va boshlang‘ich ta’lim fakulteti yoshlar bilan ishlash va ma’naviy-ma’rifiy ishlar bo‘yicha dekan o‘rinbosari N.Hakimova hamda fakultet tyutorlari tashabbusi bilan DXSh yotoqxonasida istiqomat qiluvchi talaba-qizlar uchun “Qizlarni oilaga tayyorlash” yo‘nalishida pazandachilikka oid amaliy master-klass tashkil etildi.

    Mazkur master-klass doirasida milliy taomlardan biri — do‘lma tayyorlash texnologiyasi o‘rgatilib, ishtirokchilarga pazandachilik madaniyati, milliy an’analar hamda uy-ro‘zg‘or ishlarini samarali tashkil etish bo‘yicha amaliy ko‘nikmalar berildi.

    Tadbir talaba-qizlarning hayotiy tajribasini boyitish, oilaviy hayotga ongli va mas’uliyat bilan yondashish ko‘nikmalarini shakllantirishga xizmat qildi.