Buxoro davlat pedagogika institutida tyutorlar bilan yig‘ilish bo‘lib o‘tdi

☄️✅ Buxoro davlat pedagogika instituti rahbariyati tyutorlar faoliyatini yanada takomillashtirish, talabalarga sifatli ma’naviy va tarbiyaviy ta’lim berish maqsadida keng ko‘lamli yig‘ilish o‘tkazdi. Tadbirda quyidagi masalalar muhokama qilindi:

🔴 Tyutor faoliyati: talabalar bilan samarali muloqot, o‘z vaqtida maslahat va qo‘llab-quvvatlash, ularning ma’naviy-axloqiy rivojlanishini ta’minlash yo‘llari;
🔴 Talabalar tarbiyasi: kiyinish madaniyati, odob-axloq qoidalari va hurmatli munosabatni shakllantirish metodlari;
🔴 O‘qituvchi va tyutor roli: o‘qituvchi qanday bo‘lishi, talabalar bilan ochiq va ishonchli muloqot o‘rnatish, ularning ijtimoiy va intellektual salohiyatini rivojlantirish;
🔴 Korrupsiyaga qarshi ong: yoshlarni har tomonlama ogoh qilish, korrupsiyaga yo‘l qo‘ymaslik va halol faoliyat tamoyillarini targ‘ib qilish;
🔴 Nazorat va monitoring: talabalar faoliyatini kuzatish, ma’naviy-ma’rifiy ishlarni tizimli tashkil etish va har tomonlama yurib turishning ahamiyati.

✅  Yig‘ilishda Yoshlar masalalari va ma’naviy-ma’rifiy ishlar bo‘yicha prorektor Umedjonova Malika Lukmanovna, institut profilaktika inspektori Jonibek Ibotov, yuriskonsult Akmal Mirxodjayev hamda institut rahbarlari ishtirok etib, tyutorlarni faoliyatini yanada takomillashtirish bo‘yicha amaliy tavsiyalar berishdi.

Tadbir yakunida barcha tyutorlar talabalarga sifatli tarbiya va ma’naviy yo‘l-yo‘riq ko‘rsatish, ularning ijtimoiy va axloqiy salohiyatini rivojlantirish, shuningdek, korrupsiyaga qarshi ma’naviy ogohlikni mustahkamlash bo‘yicha aniq vazifalar bilan ta’minlandi.