SPORTGA E’TIBOR-MILLAT SALOMATLIGIGA E’TIBOR

O ‘zbekiston Respublikasi Prezident Shavkat Mirziyoyev raisligida 2026-yil 7-aprelda boʻlib oʻtgan yigʻilishda jismoniy tarbiya va sportni ommalashtirish, sport maktablari faoliyatini natijadorlikka bogʻlash hamda sohani tijoratlashtirish masalalari muhokama qilindi. Asosiy eʼtibor yoshlarni sportga jalb etish, sport maktablari moddiy-texnik bazasini yaxshilash va xalqaro natijalarni oshirishga qaratildi.

           Yigʻilishdagi asosiy yangilik va topshiriqlar:

        1.Sport maktablarini rivojlantirish: Natijaga ishlaydigan sport maktablari faoliyati ragʻbatlantiriladi, yutuqlarga erishgan maktablarga qoʻshimcha \(500\text{ mln}\) soʻmgacha mablagʻ ajratiladi.

2. Tijoratlashtirish: Sport maktablari va inshootlari faoliyatiga xususiy sektorni jalb etish orqali ularni oʻzini-oʻzi moliyalashtirishga oʻtkazish choralari koʻriladi.
3. Ommaviy sport: Hududlarda, mahallalarda sport musobaqalarini koʻpaytirish orqali sogʻlom turmush tarzini targʻib qilish.
4. Hududiy rahbarlar mas’uliyati: Hokimlar va rektorlarga oʻz hududlarida sport infratuzilmasini yaxshilash va sportni rivojlantirish boʻyicha yangi vazifalar yuklatildi.

 Prezidentimiz Shavkat Mirziyoyev boshchiligida jismoniy tarbiya va sportni rivojlantirish masalalariga bag‘ishlangan videoselektor yig‘ilishida nafaqat professional sportni rivojlantirish, balki aholi o‘rtasida sog‘lom turmush tarzini shakllantirish masalalari ham muhokama qilindi.
 Davlat rahbari mahallalarda harakatlanish va salomatlik madaniyatini yuksaltirish maqsadida, sport bilan faol shug‘ullanuvchi fuqarolardan iborat volontyorlar korpusini tashkil etish tashabbusini ilgari surdi. Mazkur volontyorlar joylarda sog‘lom turmush tarzini targ‘ib qilishga mas’ul bo‘ladilar.
Xususan, paralimpiya va adaptiv sport turlariga alohida e’tibor qaratilib, endilikda Prezident Olimpiadasi dasturiga parasport turlari ham kiritiladi hamda Gersen nomidagi universitetning Toshkent filiali inkluziv sport va soha mutaxassislarini tayyorlash bo‘yicha tayanch oliy ta’lim muassasasi etib belgilanadi.
 Prezidentimiz rahbarlar mas’uliyati masalasiga alohida to‘xtalib o‘tdi. Yangi qabul qilingan qonun sport sohasidagi har bir rahbarning xizmat vazifalarini aniq belgilab beradi. Ushbu hujjat qog‘ozdagi rejalarni real natijalarga aylantirish va ijro intizomini mustahkamlashga xizmat qiladi hamda mamlakatimizda sport sohasini yangi bosqichga olib chiqishda muhim poydevor bo‘ladi.