Buxoro davlat pedagogika institutida professor-o‘qituvchilar va xodimlar ishtirokida “Yangi yil – yangi orzular” nomli bayram tadbiri ko‘tarinki ruhda bo‘lib o‘tdi

    Tadbirni institut rektori 
    Bahodir Ma’ murov ochib berdi. O‘z nutqida u 2025-yil yakunlari bo‘yicha amalga oshirilgan ishlar, ta’lim sifati, ilmiy salohiyat va innovatsion faoliyat yo‘nalishlaridagi yutuqlarni atroflicha tahlil qildi. Shuningdek, 2026-yilda amalga oshirilishi rejalashtirilgan ustuvor vazifalar, yangi loyihalar hamda institutni rivojlantirishga qaratilgan muhim rejalar haqida to‘xtalib o‘tdi.

    🔊 Tadbir davomida yil davomida institut taraqqiyotiga munosib hissa qo‘shgan, ta’lim-tarbiya va ilm-fan sohasida fidokorona mehnat qilgan professor-o‘qituvchilar hamda xodimlar e’tirof etilib, faxriy yorliqlar va esdalik sovg‘alari bilan taqdirlandi. Bayram tadbiri jamoa a’zolarida yangi yilga bo‘lgan umid va ishonchni yanada mustahkamlab, yangi marralar sari dadil intilish, ezgu maqsadlarni amalga oshirish yo‘lida birlashishga ruhlantirdi.

    🎄 Tadbir barchaga bayramona kayfiyat, iliq taassurotlar va yangi yil uchun katta ilhom bag‘ishladi.