Joriy yilning 18-19-noyabr kuni Germaniya Federativ Respublikasidagi Oʻzbekiston Respublikasi Elchixonasida Oʻzbekiston–Germaniya universitetlari forumi bo'lib o'tmoqda

    Mazkur nufuzli forum davomida Oʻzbekiston va Germaniyaning yetakchi oliy ta’lim muassasalari oʻrtasidagi hamkorlik masalalari muhokama qilindi. Tadbirda Buxoro davlat pedagogika instituti rektori B.B.Ma’murov va Xorijiy tillarni o‘qitish metodikasi kafedrasi mudiri R.A.Achilovalar ham ishtirok etmoqda. Ushbu forum akademik hamkorlikni rivojlantirish, qo‘shma ta’lim dasturlarini yo‘lga qo‘yish, talabalar almashinuvi va ilmiy loyihalarni kengaytirishga qaratilgan muhim platforma hisoblanadi.

    Xizmat safari doirasida delegatsiyamiz Germaniyaning yetakchi universitetlari rahbariyatlari bilan uchrashuvlar o'tkazish, qo‘shma dasturlar bo‘yicha muzokaralar olib borish, ilmiy-tadqiqot loyihalarida sheriklikni kuchaytirish hamda Germaniya ta’lim tizimi tajribasini o‘rganish kabi ishlarni amalga oshirmoqda.