Buxoro davlat pedagogika instituti rektori Bahodir Ma’murov Yurtdışı Türkler va Akraba Topluluklar Başkanlığı rahbari bilan uchrashdi

    Buxoro davlat pedagogika instituti rektori Turkiya Respublikasining Yurtdışı Topluluklar Başkanlığı (YTB) rahbari Abdulhadi Turus bilan rasmiy uchrashuv o‘tkazdi. Uchrashuv davomida ta’lim sohasidagi hamkorlikni rivojlantirish, talaba va professor-o‘qituvchilar almashinuvi, grant va stipendiya dasturlari, shuningdek, qo‘shma loyihalarni amalga oshirish masalalari muhokama qilindi.
Mazkur markaz Turkiyada kelib oʻqishni davom ettirmoqchi boʻlgan talabalar, magistrantlar va doktorantlar uchun stipendiya dasturlarini ajratadi. Har yili minglab talaba-yoshlar shu dastur orqali turli yoʻnalishlarda oʻqishadi. 

🤝 Tomonlar kelgusida ikki tomonlama aloqalarni mustahkamlash va yoshlar uchun yangi imkoniyatlar yaratish borasida hamkorlikni kengaytirishga kelishib oldilar.

    Institut tasviriy sanʼat yoʻnalishi talabalarining koʻrgazmalarini oʻtkazish, professor-oʻqituvchilar uchun qisqa muddatli stajirovkalarni amalga oshirish, institut talabalari uchun grantlar ajratish boʻyicha kelishuvga erishildi.