Tyutorlik faoliyati bo‘yicha ochiq tanlov e’lon qilinadi

    O‘zbekiston Respublikasi Vazirlar Mahkamasining 2025-yil 17-oktabrdagi “Oliy ta’lim tashkilotlarida tyutorlik faoliyatini tashkil etish tartibi to‘g‘risida”gi 656-son qarori bilan tasdiqlangan Nizom talablariga muvofiq, oliy ta’lim muassasasi quyidagi talablarni bajara oladigan mutaxassislarni ochiq tanlov asosida ishga taklif etadi.

Nomzodlarga qo‘yiladigan talablar:

• Oliy ma’lumotga ega bo‘lish (kamida bakalavr darajasi).

• Qonunchilik hujjatlariga muvofiq ta’lim berish huquqidan mahrum etilmagan bo‘lish.

• Ma’naviy-ma’rifiy va tarbiyaviy ishlar uslubiyoti hamda amaliyotini chuqur bilish.

• Pedagogik-psixologik bilim va tajribaga ega bo‘lish.

• Talabalar bilan ishlashda mas’uliyatli, faol va tashabbuskor bo‘lish.

Taklif etiladigan vazifalar:

• Talabalarning ta’lim jarayonidagi individual rivojlanishini kuzatish va yo‘l-yo‘riq ko‘rsatish.

• Ma’naviy-ma’rifiy tadbirlarni tashkil etish va ularning samaradorligini oshirish.

• Talabalarning psixologik holati, ijtimoiy faolligi va o‘qish motivatsiyasini qo‘llab-quvvatlash.

• O‘quv jarayonida yuzaga keladigan muammolarni hal etishda ko‘mak berish.

• Akademik guruhlar bilan tizimli ishlash.

Tanlovda ishtirok etish uchun zarur hujjatlar:

• Rezyume (CV);

• Diplom nusxalari;

• Pasport nusxasi;

• Mehnat daftarchasi nusxasi (mavjud bo‘lsa);

• Qo‘shimcha malaka oshirish sertifikatlari (mavjud bo‘lsa).