Buxoroda oliygohlar rektorlari va talabalar ishtirokida keng ko‘lamli ommaviy marafon o‘tkazilmoqda

Ayni damda Buxoro shahrining tarixiy ARK qo‘rg‘oni oldida Buxoro davlat pedagogika instituti tashabbusi bilan keng ko‘lamli ommaviy yurish-marafoni hamda sport-sog‘lomlashtirish tadbirlari ko‘tarinki ruhda davom etmoqda.
Marafon yo‘nalishi qadimiy ARK qo‘rg‘onidan boshlanib, Buxoroning betakror tarixiy maskanlaridan biri — Labi Hovuz majmuasiga qadar davom etadi.Tadbirda institut professor-o‘qituvchilari, talaba-yoshlar bilan bir qatorda Respublika pedagogika oliygohlarining rektor va prorektorlari ham faol ishtirok etmoqda.Mazkur tadbir ishtirokchilarga nafaqat jismoniy faollikni namoyon etish, balki Buxoroning boy tarixiy-madaniy merosi bilan uyg‘un holda sog‘lom turmush tarzining ahamiyatini yanada chuqur his etish imkonini bermoqda
Tadbirning asosiy maqsadi — sog‘lom turmush tarzini keng targ‘ib qilish, yoshlar o‘rtasida jamoaviylik, birdamlik va vatanparvarlik tuyg‘ularini mustahkamlashdan iborat.