Prezident Shavkat Mirziyoyevning yoshlar bilan muloqoti: Salohiyatni rivojlantirish va yangi imkoniyatlar

Prezident Shavkat Mirziyoyev yoshlar bilan muloqotida ularni loyiha, startap va sportga jalb qilish, ularning tashabbuslarini qo‘llab-quvvatlashni ta'kidladi. Yozuvchilar yoshlarimiz xalqaro o'yinlar va fan olimpiadalarida yutuq qozonayotganini ham uchratdi. Tadbirkorlik, ta'lim hamda ijtimoiy faollikni rivojlantirish uchun keng imkoniyatlarning yaratilayotganligi e'lon qilindi.

    Ko‘ksaroy qarorgohida Prezidentimiz Shavkat Mirziyoyevning yoshlar bilan o‘tkazgan muloqotida ishtirok etish imkoniga ega bo‘ldik, unda Qoraqalpog‘iston, viloyatlar va Toshkent shahridan 60 mingdan ortiq yoshlar qatnashdi.Yig‘ilishda davlatimiz rahbari yoshlarga ko‘rsatilayotgan e’tibor, ularning g‘oya, loyiha va startaplarini qo‘llab-quvvatlash bo‘yicha keng imkoniyatlar yaratish zarurligini ta’kidladi. Har bir vazir, hokim, oliygoh va texnikum rahbarlari, shuningdek maktab direktorlari yoshlarni kasb-hunarga, til o‘rganishga va sportga jalb etish, ularning loyihalari va tashabbuslarini qo‘llab-quvvatlash bo‘yicha mas’uliyatni oshirishlari kerakligi qayd etildi.

    Yoshlarimiz jahon fan olimpiadalarida yutuqlar qo‘lga kiritmoqda, dunyoning nufuzli oliygohlarida tahsil olmoqda va startap loyihalari bilan xalqaro bozorga chiqmoqda. Shu bilan birga, yosh sportchilarimiz xalqaro musobaqalarda mingdan ortiq medal sohibi bo‘lgan. Prezidentimiz yoshlarga yaratilgan keng imkoniyatlar va qo‘shimcha moliyaviy qo‘llab-quvvatlash orqali ularning salohiyatini to‘liq amalga oshirishga chaqirdi.

    Yoshlar yetakchisi sifatida biz bu muloqotdan katta ilhom oldik. Prezidentimiz belgilab bergan vazifalar, startap va tadbirkorlikni rivojlantirish bo‘yicha ajratilayotgan mablag‘lar, ta’lim va sport imkoniyatlari, bizni o‘z tashabbuslarimizni amalga oshirishga undaydi. Har bir yoshning g‘oyasini qo‘llab-quvvatlash, ularni ish bilan ta’minlash va o‘z salohiyatini rivojlantirish uchun barcha imkoniyatlardan samarali foydalanishga tayyormiz.

    Shuningdek, yoshlarimizning ijtimoiy faolligi, volontyorlik loyihalari va madaniy tadbirlarda ishtiroki ham qo‘llab-quvvatlanadi. Biz, yoshlar yetakchilari sifatida, ularning har bir tashabbusini hayotga tatbiq etishda faol bo‘lishga va kelajak avlod uchun keng imkoniyatlar yaratishga tayyormiz.

  Zuxriddin Shernazarov

         Buxoro davlat pedagogika instituti Yoshlar ittifoqi boshlang'ich tashkiloti yetakchisi,

Pedagogik ta'lim kafedrasi o'qituvchisi