"Chapaqay" badiiy filmining premyerasi bo'lib o'tdi

Buxoro davlat pedagogika institutida o'zbek futboliga bag'ishlangan "Chapaqay" badiiy filmining premyerasi bo'lib o'tdi.

Premyera davomida tomoshabinlar o'zbek futbolining shakllanish va taraqqiyot yo'li, sportchilarning mashaqqatli mehnati, matonati hamda yurtimiz futboli rivojiga hissa qo'shgan fidoyi insonlar faoliyati bilan yaqindan tanishdilar. Filmda aks etgan voqealar professor-o'qituvchilar, talaba-yoshlar va futbol ixlosmandlarida katta taassurot qoldirib, ularda sportga bo'lgan qiziqish va faxr tuyg'ularini yanada mustahkamladi.

Mazkur premyera sport va kino san'ati uyg'unligida tashkil etilgan ma'naviy-ma'rifiy tadbir sifatida ishtirokchilar tomonidan yuqori baholandi.