RAHIMBOYEV RUSTAMJON ABDURAHMON O‘G‘LI

Rahimboyev Rustamjon Abdurahmon o'g'li 2002-yil Buxoro shahrida tug‘ilgan. Millati o‘zbek. U respublika va viloyat miqyosidagi ma’naviy-ma’rifiy tadbirlar, ommaviy yig‘ilishlar, siyosiy tadbirlar, ilmiy konferensiyalar, ijtimoiy loyihalar, volontyorlik loyihalari, seminar-treninglar, xalqaro va respublika tanlovlarida doimiy faol ishtirok etib kelmoqda. Bundan tashqari u respublika va viloyat miqyosidagi tanlovlarni tashkil etishda mahoratli tashkilotchi hisoblanadi. O‘z faoliyati davomida ko‘plab jamoaviy ishlarni amalga oshirib kelmoqda. Jamoa bilan ishlash texnikasi, boshqaruv taktikasi va yaxshi boshqara olishi tufayli yoshlar jamosi bilan birgalikda ko‘plab tanlov, tadbir, loyiha va anjumanlarni tashkil qildi. Respublika miqyosida 50 dan ortiq publistik maqolalari gazeta, jurnal va ommaviy axborot vositalarida chop etilgan. Bundan tashqari u Oliy Majlis Qonunchilik palatasi huzuridagi Yoshlar parlamenti a’zosi (2023-2024 y), Senat huzuridagi Yoshlar parlamenti faoli (2025 y), Oliy ta’lim, fan va innovatsiyalar vazirligi huzuridagi Ta’lim-fan kengashi a’zosi, Buxoro viloyati Turizm boshqarmasi boshlig‘ining maslahatchisi – Yosh turizm elchilari Buxoro viloyati kengashi raisi, Respublika Yosh olimlar Kengashi a’zosi, Xalq deputatlari Buxoro viloyati Kengashi huzuridagi Yoshlar maslahat guruhi rahbari hisoblanadi. Vazirlar Mahkamasining “Yangi O‘zbekiston” nashrida “Yangi O‘zbekistonda yoshlar siyosati” nomli maqolasi e’lon qilindi. 2024-yilda yoshlar siyosatini amalga oshirishda ko‘rsatayotgan jonbozligi, ijtimoiy faolligi, qobiliyati, o‘z sohasida erishgan yutuqlari va ijobiy natijalari uchun Buxoro viloyati hokimi tomonidan tashakkurnoma va qimmatbaho sovg‘alar bilan taqdirlandi, shuningdek, Buxoro viloyatining “Eng kreativ va tashabbuskor yosh lideri” deb e’tirof etildi. Ikki marotaba Buxoro davlat universitetining eng yaxshi talabasi, “MDHning eng yaxshi talabasi” medali sohibi, “Ilm-fan sohasidagi xizmatlari uchun” ko‘krak nishoni sohibi, Buxoro viloyatining “Eng kreativ va tashabbuskor yosh lideri” mukofoti sohibi, “Ilmiy tadqiqot va startaplar” forumi statuetkasi sovrindori, “Mudofaa vazirligining esdalik sovg‘asi” bilan mukofotlangan, “Vatanning sadoqatli farzandi – fidoiy inson” ko‘krak nishoni, “Fidoyi vatanparvar” ko‘krak nishoni sohibi hamda ko‘plab diplom, sertifikat va tashakkurnomalar bilan taqdirlanib, O‘zbekiston Lider Yoshlari Ensiklopediyasiga kiritildi. Hozirgi kunda Xalq deputatlari Buxoro viloyati Kengashi huzuridagi Yoshlar maslahat guruhi rahbari bo‘lib faoliyat yuritib kelmoqda. Shuningdek, Buxoro davlat pedagogika instituti rektori yordamchisi, BuxDPI magistranti hisoblanadi.