ZULFIYA USMONOVA

Usmonova Zulfiya Ilxomovna 1993-yil 8-fevralda Buxoro shahar Orifon ko‘chasi 64-uyda tavallud topgan. U bolaligidanoq bilimga chanqoq, tirishqoqligi, oʻziga nisbatan talabchanligi sababli ustozlarining hurmat va e’tiborida edi. 1999-2008-yillarda Buxoro shahar 20-sonli umumiy oʻrta ta’lim maktabini a’lo baholarga oʻqib tugatgan. A’lo darajadagi shahodatnoma bilan maktabni tugatgach, Buxoro shahar Pedagogika kollejida oʻqishni davom ettirdi. Bu dargohni 2008-2011 yillarda yaxshi baholar bilan tugatib, 2012-yilda Buxoro davlat universitetining boshlang‘ich ta’lim va sport tarbiyaviy ish yoʻnalishiga oʻqishga kirib, 2016-yilda muvaffaqiyatli tugatdi. 2016-2017-oʻquv yillarida Kogon shahardagi 4-umumiy oʻrta ta’lim maktabida boshlang‘ich ta’lim fani oʻqituvchisi sifatida oʻz ish faoliyatini boshladi.2018-2023-yillarda Buxoro shahar 31-davlat maktabgacha ta’lim tashkilotida pedagog lavozimida ishlagan. 2021-2023-yilda Buxoro davlat pedagogika institutida magistratura talabasi boʻlib, 9 maqolasi, 2ta Xalqaro tezis, 2 ta Respublika miqyosidagi, 1 ta Xalqaro miqyosdagi anjumanlarda tezis, 2 ta maqola va 2 ta OAK jurnalarida maqolalari chop etgan. Shu 2023-yildan boshlab Buxoro davlat pedagogika instituti oʻqituvchisi sifatida ish faoliyatini boshladi.