Abdullaev Shuxrat Djumaturdievich - 1965yil Buxoro shaxrida ziyoliy oilasida tug‘ilgan. Ma’lumoti oliy, 1972 yil Buxoro shaxridagi 14-son o‘rta maktabda, 1980-1983yillar davomida Buxoro shahridagi 73-sonli hunar-texnika bilim yurtida tahsil olgan. 1983-1985 yillarda armiya safida xizmat qilgan. 1985-1986 yillarda Buxoro shaxridagi “Vatanparvar” tashkilotida haydovchilikga o‘rgatish bo‘yicha murabbiy bo‘lib ishlagan.
Sambo va Dzyu-do kurashi bo‘yicha 1978-1983 va 1986-1990 yillarda viloyat va Respublika musobaqalarida faxrli o‘rinlarni egalagan. 1982 yil Ukrainaning Xerson shaxrida Butinitifoq turnirida 3-o‘rinni Rossiyaning Yaroslav shaxrida Butinitifoq turnirida 3-o‘rinni egalagan. Respublika “Burivestnik” jamoasi musobaqalarida 1981-1983 uch karra sovrinli o‘rinlarni egalagan. Samo kurashi bo’yicha sport ustasi. Hozirgi kunda milliy kurash bo‘yicha Respublika toifasidagi xakam.
1986-1990 yillarda Buxoro davlat pedagogika instituti boshlang‘ich harbiy ta’lim va jismoniy tarbiya fakultetini tamomlagan. 1990-1992 yillarda Buxoro davlat pedagogika instituti fakultetlararo jismoniy tarbiya kafedrasi o‘qituvchisi lavozimida ishlagan.
1992-1995 yillarda Nizomiy nomidagi Toshkent davlat pedagogika universiteti kunduzgi aspiranturada o‘qigan. 1995 yil nomzodlik dissertatsiyasiyasini muffaqiyatli himoya qilib, pedagogika fanlari nomzodi ilmiy darajasini olgan.
Hozirgi kunga qadar halqaro va respublika miqiyosidagi ilmiy –amaliy anjumanlarda 100 dan ziyod ilmiy maqolalar va tezislari bilan ishtirok etib kelmoqda, shu bilan birga 3-ta monografiya 4-ta o‘quv-uslubiy 5-ta uslubiy, 2-ta o‘quv qo‘llanma va 4-ta darsliklar muallifi.“Tarbiyasi og‘ir o‘smirlarni tarbiyalashda milliy harakatli o‘yinlarning pedagogik–psixologik tizimi” mavzusida doktorlik dissertatsiyasi ustida ilmiy izlanishlar olib bormoqda.
1995 yildan shu kunga qadar Buxoro davlat pedagogika instituti, “Jismoniy madaniyat nazariyasi va metodikasi” kafedrasi professori lavozimida faoliyat olib borib, yoshlarga kelajakda buyuk inson bo‘lib yetishishlariga o‘z hisasini qo‘shib kelmoqda.
