SHADIYEVA NIGORA SHARIPOVNA

1989-yil 10-yanvar sanasida Buxoro viloyati Buxoro shahri “Piridastgir‘” MFYning “Piridastgir‘” ko‘chasida ziyoli oilasida tavallud topgan. Oilali 1 nafar farzandning onasi. 2012-yilning 2-sentabridan Buxoro davlat universiteti “Tabiiy fanlar” fakultetiga davlat granti asosida o‘qishga qabul qilinib, 2016-yilda “O‘zbekiston Respublikasi qishloq xo‘jaligida mo‘l va sifatli hosilni oshirish omillari” mavzusini muvaffaqiyatli himoya qilib bakalavr darajasini olgan. 2015-yil 5-oktyabrdagi 381-sonli buyrug’iga muvifiq O‘zbekiston Respublikasi bakalavrlari uchun ta’sis etilgan Ulug’bek nomli Davlat stipendiyasi tanlovi g‘olibi. 2016-yilda Mirzo Ulug‘bek nomidagi O‘zbekiston Milliy universitetining 5A 140602 “Geografiya” (umumiy geografiya) mutaxassisligi bo’yicha magistraturaga qabul qilinib, 2018-yilda maxsus mutaxassislikni “Buxoro viloyati tarixiy turizmi rivojlanishining geografik jihatlari” mavzusini muvaffaqiyatli himoya qilib magistr akademik darajasini olgan. 2016-2018 yillarda Toshkent shahri Yunusobod tuman 302-sonli umumta’lim maktabi geografiya fani o‘qituvchisi lavozimida ishlab kelgan. 2018-2021 yillarda Buxoro viloyati Buxoro shahri 13-sonli umumta’lim maktabi geografiya fani o‘qituvchisi lavozimida ishlab kelgan. 2019-2023-yillarda “Tabiiy fanlari” fakulteti “Ekologiya va geografiya” kafedrasi o‘qituvchisi lavozimida ishlab kelgan. Universitet rektorining 2022-yil 5-yanvardan № 486-У raqamli buyrug’iga asosan, 13.00.02- Ta’lim va tarbiya nazariyasi va metodikasi (geografiya) ixtisosligi bo’yicha, mustaqil izlanuvchi (PhD) ga qabul qilinib, “Talabalarni innovatsion kasbiy faoliyatga tayyorlashda dasturiy ta’lim vositalardan foydalanish metodikasini takomillashtirish” nomli dissertatsiya mavzusi bo’yicha ilmiy izlanishlar olib boribmoqda. 2023-yilning 18-yanvaridan Buxoro davlat Pedagogika inistituti “Aniq va tabiiy fanlar” fakultetining “Tabiiy fanlar” kafedrasi geografiya o‘qituvchisi lavozimida faoliyat yuritib kelmoqda. “Best Publication”ning 2023-yilning 15-fevraldagi №-3-sonli qaroriga asosan Xalqaro ilmiy-amaliy MDH ko‘rik tanlovida “Ta’lim sohasidagi xizmatlari uchun” esdalik ko‘krak nishoni va nishon belgisi bilan taqdirlangan. Pedagogik faoliyat davomida, 50 dan ortiq xorijiy va respublikamizdagi ilmiy jurnallarda maqolalar va konferensiya to’plamlarda tezislarni nashr etgan. Shulardan: Oliy va o‘rta maxsus ta’lim vazirligining 2022-yil 9-sentyabrdagi 302-sonli buyrug‘iga asosan “Tabiiyot va geografiya o‘qitish metodikasi” elektron darsligi, 2022-yil 13-maydagi 166-sonli buyrug‘iga asosan “Ta’limda axborot texnologiyalari” darsligi, 2022-yil 19-iyul 233-sonli buyrug‘iga asosan “Tabiiyot va geografiya o‘qitish metodikasi” o‘quv qo‘llanmasi hamda 2022-yil 9-sentyabrdagi 302-sonli buyrug‘iga asosan “Ta’limda axborot texnologiyalari” еlektron o‘quv qo‘llanmalari nashr ettirilgan.