RAJABOV SAN’ATJON SUNATOVICH

Rajabov San’atjon Sunnatovich 1990 yil 14 iyulda Buxoro viloyati Vobkent tumanida tug‘ilgan. Millati o‘zbek, ma’lumoti oliy. Oilali. 2014 yilda Buxoro davlat universitetining “Milliy g‘oya, ma’naviyat asoslari va huquq ta’limi” yo‘nalishini, 2021 yilda Buxoro davlat universitetining “Tarixshunoslik, manbashunoslik va tarixiy tadqiqot usullari” mutaxasisligi bo‘yicha muvaffaqqiyatli tugatgan. 2017-2021 yillar davomida Toshkent irrigatsiya va qishloq xo‘jaligini mexanizatsiyalash muhandislari instituti Buxoro filialida, 2021 yildan boshlab Buxoro davlat pedagogika institutining “Ijtimoiy fanlar” kafedrasida o‘qituvchi lavozimida faoliyat yuritib kelmoqda. Faoliyati davomida o‘ziga yuklatilgan va rahbariyat tomonidan beriladigan barcha vazifalarni bajarish bilan bir qatorda, kafedra mudirining ko‘rsatmalariga, ta’lim-tarbiya jarayonini ta’minlash bilan bog'liq hamma ishlarni bajarish, kafedrada hujjatlarni saqlash va yuritish, kafedraning darsliklar, o‘quv dasturlari va boshqa o‘quv-uslubiy materiallari bilan ta’minlanish choralarini ko‘rishda va boshqa yuklatilgan vazifalarni muddatli va sifatli bajarib bormoqda. Hozirgi vaqtda S.Rajabov tarix fanlari doktori, professor H.To‘rayev bilan ilmiy ishi mavzusi doirasida doimiy tarzda ilmiy-tadqiqot ishlarini olib bormoqda. Tadqiqotchi S.Rajabovning ilmiy ish mavzusi “Akademik Bo‘riboy Ahmedov tadqiqotlarining Buxoro tarixini o‘rganishdagi ilmiy metodologik ahamiyati” deb nomlangan. Hozirgi vaqtga qadar mavzu bo‘yicha ishga doir manbaalar to‘planib, mavzu bo‘yicha rejalar tuzilgan, ilmiy ishning dastlabki ikki bobi yakunlangan. Ilmiy ishi mavzusi doirasida shu kunga qadar u respublika ilmiy jumallarida 10 ga yaqin, xorijiy ilmiy jurnallarda 6 ta ilmiy maqola hamda xalqaro va respublika miqyosida o‘tkazilgan konferensiya to‘plamlarida 12 ta tezis chop etgan. OAK talabalari bo‘yicha ilmiy maqolalarni chop etish talablari bajarilgan. Tadqiqotchi S.Rajabov ilmiy ish mavzusining uchinchi bobi ustida ilmiy rahbar tarix fanlari doktori, professor H.To‘rayev bilan ish olib bormoqda.