Sobirov Tolib Ro‘zievich 1958-yil 10-iyunda Buxoro viloyati Buxoro tumanida ishchi oilasida tug‘ilgan. 1975-yilda Buxoro davlat pedagogika institutining Badiiy grafika fakultetiga o‘qishga kirgan. Oliy ta’lim muassasasini 1979-yilda muvaffaqiyatli tamomlab, pedagogik faoliyatini o‘rta maktabda o‘qituvchilik qilishdan boshladi. 1980-1999-yillarda Buxoro oziq-ovqat va yengil sanoat texnologiyasi institutida o‘qituvchi, katta o‘qituvchi, dotsent lavozimlarida ishladi. 1993-yilda Rossiya Federatsiyasining Moskva Pedagogika instituti huzuridagi ixtisoslashgan ilmiy kengashda “Obucheniye geometricheskomu ornamentu v uzbekskoy shkole” mavzusida 13.00.02 - Ta’lim tarbiya nazariyasi va metodikasi (chizmachilik) ixtisosligi bo‘yicha fan nomzodlik dissertatsiyasini himoya qildi. 1999-2011-yillarda Buxoro davlat universitetining Badiiy grafika fakultetida o‘quv ishlari bo‘yicha dekan muovini, kafedra mudiri lavozimlarida faoliyat ko‘rsatdi. 2011-2017-yillarda Buxoro davlat universitetida o‘quv-uslubiy boshqarma boshlig‘i lavozimida ishladi. 2017-2018-yillarda Buxoro davlat universiteti monitoring va ichki nazorat bo‘limi boshlig‘i, 2018-2022-yillarda Buxoro davlat universiteti sirtqi (maxsus sirtqi) bo‘limi boshlig‘i (2018-yil 18-iyundan o‘rindoshlik asosida Tasviriy san’at va muhandislik grafika kafedrasi professori) lavozimlarida ishladi. 2022-2023-yillarda Buxoro davlat universiteti Tasviriy va amaliy san’at kafedrasi professori lavozimida ishladi. 2024-yildan boshlab Buxoro davlat pedagogika instituti “Musiqa va tasviriy san’at” kafedrasi professori lavozimida ishlamoqda. Oxirgi 5 yilda o'ndan ortiq ilmiy masolae'lon qilgan. 2 ta darslik 1 ta o'suv qo'llanma chop qildirgan.
