Yangilik haqida

Buxoro davlat pedagogika instituti futzal jamoasi Buxoro viloyati II liga futzal chempionatida munosib ishtirok etib, faxrli 2-o‘rinni egalladi.

Bir oydan ortiq davom etgan ushbu chempionatda viloyatimizning 13 ta eng kuchli jamoasi o‘zaro kuch sinashdi. Har bir o‘yin murosasiz kurashlarga boy bo‘lib, talabalarimiz jismoniy tayyorgarligi, g‘alabaga bo‘lgan ishtiyoqi bilan ajralib turishdi. Natijada BuxDPI jamoasi sovrindorlar safidan joy olib, I-liga saralash bosqichiga yo‘llanmani qo‘lga kiritdi.Endi jamoamiz oldida yangi marralar – I-ligada g'alab qozonish vazifasi turibdi. Futzalchilarimiz viloyatimiz shanini munosib himoya qilishi kutilmoqda.

Jamoamizga omad tilaymiz!