Yana bir e'tirof — yana bir yutuq! "Kelajakka qadam" dasturi doirasida Tashakkurnoma bilan taqdirlandi

Mehnat, tashabbus va intilish doimo o'z samarasini beradi.

Buxoro davlat pedagogika instituti jamoasi "Kelajakka qadam" dasturi doirasida faol ishtiroki, tashabbuskorligi hamda yoshlarning bandligini ta'minlash va tadbirkorlik g'oyalarini qo'llab-quvvatlash yo'lidagi fidokorona sa'y-harakatlari uchun Tashakkurnoma bilan taqdirlandi.

Bu e'tirof — jamoamizning birgalikdagi mehnati, izlanishlari va yurtimiz ravnaqi yo'lidagi xizmatlariga berilgan munosib bahodir. Barcha ustozlar, talabalar va ushbu yutuqqa o'z hissasini qo'shgan jamoamiz a'zolarini samimiy muborakbod etamiz! Kelgusida ham yangi marralar, ulkan zafarlar va yanada yuksak natijalarga erishishingizni tilaymiz.

Kelajak sari dadil qadam — muvaffaqiyat sari ishonchli yo'l!