Bitiruvchilar — yangi bosqich sari! 2026-yilda 4213 nafar talaba oliy ma'lumotli mutaxassis bo'ldi

Bugun siz talabalik sahifasini sharaf bilan yakunlab, hayotingizning yangi bosqichiga dadil qadam qo'ydingiz.

Hurmatli bitiruvchilar! Buxoro davlat pedagogika instituti jamoasi sizlarni ushbu unutilmas kun bilan samimiy muborakbod etadi. Olgan bilim va tajribangiz yurtimiz ravnaqi, ta'lim taraqqiyoti hamda jamiyat rivoji yo'lida munosib xizmat qilsin.

2026-yil yakuniga ko'ra, 4213 nafar talaba muvaffaqiyatli bitirib, oliy ma'lumotli mutaxassis sifatida hayotning yangi bosqichiga qadam qo'ydi. Ular orasida:

55 nafar bitiruvchi o'qishni imtiyozli diplom bilan tamomladi;
215 nafar magistratura bitiruvchisi ilmiy salohiyatini yuksaltirib, magistrlik darajasiga sazovor bo'ldi.

Oldingizdagi barcha sinov va marralarda omad sizga yor bo'lsin, ezgu maqsadlaringiz ro'yobga chiqsin! Qayerda bo'lmang, Buxoro davlat pedagogika institutining munosib bitiruvchisi ekanligingiz bilan doimo faxrlaning.

Sizning har bir yutug'ingiz — institutimizning ham yutug'idir. Yo'lingiz doimo yorug', qadamingiz qutlug' bo'lsin!

Bitiruvchilar — yangi bosqich sari! 2026-yilda 4213 nafar talaba oliy ma'lumotli mutaxassis bo'ldi