Buxoro davlat pedagogika institutida kasbiy (ijodiy) imtihon jarayonlari izchil davom etmoqda

Buxoro davlat pedagogika institutida 2026/2027-o‘quv yili qabuli doirasida Jismoniy madaniyat yo‘nalishi bo‘yicha kasbiy (ijodiy) imtihonlarning navbatdagi bosqichi tartibli davom etmoqda.

🔘 Imtihon jarayonlarida abituriyentlarning jismoniy tayyorgarligi, chaqqonligi, chidamliligi hamda belgilangan me’yoriy mashqlarni bajarish ko‘nikmalari amaldagi nizom talablari asosida baholanmoqda. Har bir ishtirokchining natijasi xolislik, ochiqlik va shaffoflik tamoyillari asosida qayd etilmoqda.

📍 Imtihonlar Buxoro shahridagi Sitora sport maydonida davom etib, jarayonni yuqori saviyada tashkil etish, ishtirokchilar uchun qulay va xavfsiz muhit yaratish, shuningdek, ota-onalar hamda keng jamoatchilik uchun ochiqlikni ta’minlashga alohida e’tibor qaratilmoqda.

▶️Kasbiy (ijodiy) imtihonlarning onlayn translyatsiyasini quyidagi havola orqali tomosha qilishingiz mumkin:
🔗 camera.buxdpi.uz

Buxoro davlat pedagogika institutida kasbiy (ijodiy) imtihon jarayonlari izchil davom etmoqda