E'TIROF

     Buxoro davlat pedagogika instituti rektorining yordamchisi, Xalq deputatlari Buxoro viloyati Kengashi huzuridagi Yoshlar maslahat guruhining rahbari Rustamjon Rahimboyev O‘zbekiston Respublikasi Oliy ta’lim, fan va innovatsiyalar vazirining tashakkurnomasi bilan taqdirlandi.
 
    Mazkur e’tirof oliy ta’lim tizimini rivojlantirish, talaba-yoshlarning intellektual salohiyatini yuksaltirish, ularning ijtimoiy faolligi, liderlik qobiliyati va tashabbuslarini qo‘llab-quvvatlash, shuningdek, yoshlar siyosatini samarali amalga oshirish yo‘lidagi fidokorona mehnati uchun bildirildi.

    Buxoro davlat pedagogika instituti jamoasi Rustamjon Rahimboyevni ushbu munosib e'tirof bilan samimiy tabriklaydi hamda kelgusidagi faoliyatida ulkan muvaffaqiyatlar tilaydi.