Aholi bilan muloqot - e'tibor va g‘amxo‘rlik ifodasi

     "Dolzarb 90 kun" loyihasi doirasida Buxoro davlat pedagogika instituti Pedagogika va ijtimoiy fanlar fakulteti Psixologiya kafedrasi professor-o‘qituvchilari tomonidan Buxoro shahridagi Mahmud Tarobiy mahalla fuqarolar yig‘ini hududida istiqomat qiluvchi fuqarolar holidan xabar olinib, manzilli tashrif amalga oshirildi.

     Tashrif davomida fuqarolar bilan samimiy muloqot o‘tkazilib, ularning ijtimoiy-psixologik holati o‘rganildi, mavjud masalalar yuzasidan amaliy tavsiyalar berildi hamda zarur psixologik ko‘mak ko‘rsatildi.

     Mazkur tashabbus aholining muammolarini joyiga chiqib o‘rganish, psixologik qo‘llab-quvvatlashni kuchaytirish, inson manfaatlarini ta'minlash hamda jamiyatda sog‘lom ma'naviy-psixologik muhitni mustahkamlashga xizmat qilmoqda.