Buxoro davlat pedagogika instituti va Vitebsk davlat universiteti o‘rtasida hamkorlik memorandumi imzolandi

    Belarus Respublikasiga amalga oshirilayotgan xizmat safari doirasida Buxoro davlat pedagogika instituti delegatsiyasi Vitebsk davlat universitetiga tashrif buyurdi.

     Memorandum doirasida professor-o‘qituvchilar va talabalar almashinuvini yo‘lga qo‘yish, talabalarning xalqaro amaliyotlarda ishtirokini ta’minlash, professor-o‘qituvchilarning malakasini oshirish, pedagogika va inklyuziv ta’lim yo‘nalishlarida qo‘shma magistratura dasturlarini tashkil etish hamda ta’lim va ilmiy-tadqiqot sohalarida istiqbolli loyihalarni birgalikda amalga oshirish rejalashtirildi.

    Mazkur kelishuv ikki oliy ta’lim muassasasi o‘rtasidagi xalqaro hamkorlikni mustahkamlash, ta’lim sifati va ilmiy salohiyatni oshirishga xizmat qiladi.