SAIDOVA MOHINUR JONPULOTOVNA

Saidova Mohinur Jonpo‘latovna 1991-yil 15-dekabr kuni Buxoro shahrida tavallud topgan. U 2009-2013 yillarda Buxoro davlat universiteti Pedagogika fakultetida tahsil oldi, 2013 yilda universitetni imtiyozli tugatdi. 2009-2020-yillar Buxoro shahar 123-maktab internati o‘qituvchisi, 2020-2021 yillarda Buxoro davlat universiteti Boshlang‘ich ta’lim metodikasi kafedrasi o‘qituvchisi, 2021-2022-yillarda Buxoro davlat universitetining Pedagogika instituti Boshlang‘ich ta’lim nazariyasi va metodikasi kafedrasi mudiri lavozimida, 2022-yildan hozirga qadar Buxoro davlat pedagogika instituti Maktabgacha va boshlang‘ich ta’lim fakulteti Boshlang’ich ta’lim kafedrasi mudiri lavozimida faoliyat ko‘rsatmoqda. Saidova Mohinur Jonpo‘latovna 2020-yilda yilda “Boshlang‘ich sinf matematika darslarida axborot texnologiyalaridan foydalanish metodikasini takomillashtirish” mavzusida nomzodlik dissertasiyasini, 2022-yilda “Masofaviy ta’lim sharoitida bo‘lajak boshlang‘ich sinf o‘qituvchisining metodik tayyorgarligini takomillashtirish” mavzusida doktorlik ishini muvaffaqiyatli himoya qilib, “O‘zbekistonning eng yosh fan doktor ayoli”, deb e’tirof etildi. Saidova Mohinur Jonpo‘latovna 2022-yilda dotsent ilmiy unvonini hamda 2023-yilda esa professor unvonini oldi. Saidova Mohinur Jonpo‘latovnaning 18 ta dasturiy mahsulotga mualliflik guvohnomasi, 14 dan ortiq darslik, 3 ta o‘quv qo‘llanma, 43 ta xorijiy jurnallarda va 200 dan ortiq respublikaning nufuzli jurnallarida ilmiy-ommabop maqolalari nashr etilgan. Muallifning yangi avlod adabiyotlarini yaratish orqali ta’lim sifatini oshirish yo‘lida tayyorlagan va chop etilib, o‘quv jarayoniga tatbiq etilgan “Matematika o‘qitish metodikasi” (darslik -Buxoro: “Durdona”, 2022 y., 285 b.), “Kreativ pedagogika” (darslik-Buxoro: “Durdona”, 2022 y., 160 b.), “Ta’limda multimedia texnologiyalardan foydalanish” (darslik-Buxoro: “Durdona”, 2022 y., 290 bet), “Matematika o‘qitish metodikasi” (darslik -Buxoro: “Durdona”, 2022 y., 545 bet), “Boshlang‘ich ta’limda nazorat ishlar to‘plami” (Toshkent: Yosh kuch, 2018 y. 157 bet), “Boshlang‘ich ta’lim jarayonida hamkorlik muhitini shakllantirish” (Buxoro: Durdona, 2020 y., 86 bet), “Laboratoriya mashg‘uloti uchun ishlanmalar” (Buxoro: 2019 y., 122 bet), “Boshlang‘ich sinflarda harakatga doir masalalar” (Buxoro: Durdona, 2019 y., 59 bet), “Nutqida nuqsoni bo‘lgan bolalar uchun matematika” (Buxoro: Durdona, 2017 y., 228 bet), “Boshlang‘ich sinf matematika darslarida axborot texnologiyalaridan foydalanish metodikasini takomillashtirish” (-Buxoro, “Globe” nashriyoti, 2022 y., 109 bet), “Masofaviy ta’lim sharoitida bo‘lajak boshlang‘ich sinf o‘qituvchisining metodik tayyorgarligini takomillashtirish” (Buxoro: “Durdona” nashriyoti 2022 y., 196 bet) kabi ilmiy-omabop va o‘quv-uslubiy kitoblari ta’lim oldiga qo’yilgan maqsadga erishish imkoniyatini beradi. Saidova Mohinur Jonpo‘latovnaning 4-sinflar uchun “Kreativ topshiriqlar”, 3-sinflar uchun “Kasrlar olamiga sayohat”, 4-sinflar uchun “Harakatga doir masalalarni yechish usullari”, 1-sinflar uchun “Quvnoq matematika” nomli elektron axborot-ta’lim resurslari xalq ta’limi sohasi rivojiga munosib hissa qo‘shib kelmoqda. Saidova Mohinur Jonpo‘latovna bo‘lajak boshlang‘ich sinf o‘qituvchilari uchun veb-sayti (http://dlpe-method.com/) yaratilgan bo‘lib, mazkur sayt masofaviy ta’lim sharoitida bo‘lajak boshlang‘ich sinf o‘qituvchilarining metodik tayyogarligini takomillashirishga xizmat qiladi. Saidova Mohinur Jonpo‘latovna «ПЗ- 2020042147-raqamli Oliy ta’lim muassasalari uchun matematika va uni o‘qitish metodikasidan 3D tizimli interaktiv axborot ta’lim resurslarini yaratish» nomli amaliy loyiha ustida ishlagan. Saidova Mohinur Jonpo‘latovna jamoat ishlarida faol ishtiroki uchun 2018-yil Buxoro viloyati hokimligi Xalq ta’limi boshqarmasining “Faxriy yorlig‘i”, 2019-yil O‘zbekiston Respublikasi Xalq ta’limi vazirligi Respublika ta’lim markazining “Faxriy yorlig‘i”, 2022-yil Oliy va o‘rta maxsus ta’lim vazirligining “Faxriy yorlig‘i” bilan taqdirlangan. Yosh olima 2023-yilning 1-oktabrda “Oliy ta’lim a’lochisi” ko’krak nishoni bilan taqdirlandi. Qolaversa, aynan shu yilda “O’zbekistonning taniqli olimlari ensklopediyasiga” “O’zbekistondagi eng yosh fan doktori, professor ayoli” sifatida tarix zar varaqalarida muhrlandi.