Yangilik haqida

Siz bunday imkoniyatni kutgandirsiz! Nordikda ro‘yxatdan o‘ting!

➡️ RO'YXATDAN O'TISH

Prezident farmoniga ko‘ra, 2025-yilgi qabul jarayonlari “avval test, so‘ng tanlov” tamoyiliga muvofiq ikki bosqichda amalga oshiriladi. Bu tizim abituriyentlarga test natijalariga qarab oliy ta’lim muassasasini tanlash imkonini beradi.

1-bosqich: Test sinovlari uchun ro‘yxatdan o‘tish

Muddat: 5-iyun – 25-iyun (shu kuni ham)

Abituriyentlar faqat quyidagilarni tanlaydi:

• Test sinovi topshiriladigan fanlar majmuasi
• Ta’lim tili
• Test topshirish hududi
• Agar ijodiy yoki kasbiy imtihon bo‘lsa, ushbu imtihonni topshiradigan davlat OTM

Muhim!

• Birinchi bosqichda oliy ta’lim muassasasi tanlanmaydi.
• “Men Yuridik universitetga topshirdim” yoki “Men Tibbiyot akademiyasiga topshirdim” degan gaplar birinchi bosqichda bo‘lmaydi.
• Test sinovlari iyul–avgust oylarida o‘tkaziladi.

2-bosqich: OTM va yo‘nalishni tanlash

Muddat: Test sinovlari tugagandan keyin 15 kun

Abituriyent o‘zining test natijalariga qarab:

• Oliy ta’lim muassasasini
• Bakalavriat ta’lim yo‘nalishini
• Ta’lim shaklini tanlaydi.

Muhim!

• Abituriyentlar test natijalariga qarab o‘ylab ko‘rish uchun 15 kun vaqtga ega bo‘ladi.
• Bu vaqt ichida tanlovni strategik rejalashtirish va eng optimal variantni tanlash imkoniyati yaratiladi.

O‘qishga kira olmaganlar uchun imkoniyatlar

Agar abituriyentlar OTMga kira olmasa, ular:

• To‘plagan bali bilan kollej yoki texnikum tanlashi mumkin.
• OTMga qabul natijalari e’lon qilingandan so‘ng yana 10 kun ichida kollej yoki texnikumlarga hujjat topshirish imkoniga ega bo‘ladi.

Xulosa

2025-yildan boshlab oliy ta’limga qabul ikki bosqichda amalga oshiriladi:

1. Birinchi bosqichda test sinovi topshiriladi, OTM tanlanmaydi.
2. Ikkinchi bosqichda abituriyent test natijalariga qarab, OTM va yo‘nalishni tanlaydi.

Bu tizim o‘qishga kirish jarayonining shaffofligini oshirish, abituriyentlarga o‘z imkoniyatlarini aniq baholash, shuningdek, kollej va texnikumlarga yo‘naltirish tizimini kuchaytirish maqsadida joriy etilgan.