Yoshlar kuni munosabati bilan viloyat OTMlari o'rtasida onlayn tanlov boshlanmoqda

30-iyun — Yoshlar kuni munosabati bilan Buxoro viloyatidagi OTMlar o'rtasida o'tkaziladigan "Eng samarali faoliyat ko'rsatayotgan Yoshlar bilan ishlash va ma'naviyat ishlari prorektori" onlayn tanlovi boshlanmoqda.

Ovoz berish 2026-yil 3-iyun kuni boshlanib, 11-iyun kuni soat 19:00 da o'z yakuniga yetadi.

Tanlov doirasida prorektorlar talabalar tarbiyasi, ma'naviy muhitni mustahkamlash, huquqbuzarliklarning oldini olish va yoshlar bilan ishlash samaradorligi bo'yicha baholanadi.

Eng yuqori natija qayd etgan 3 nafar prorektor Yoshlar kuni bayrami munosabati bilan Buxoro viloyati hokimligining Tashakkurnomasi hamda esdalik sovg'alari bilan taqdirlanadi.